Hakuna familia isiyo na mapungufu. Hatuna wazazi wasio na mapungufu, sisi pia si wakamilifu, hatuoi au kuolewa na mtu asiye na mapungufu, kadhalika watoto wetu nao si wakamilifu.
Tunayo manung’uniko au malalamiko kila mmoja dhidi ya mwenzake. Tumevunjana moyo na kukatishana tamaa. Kwa hiyo, hakuna ndoa iliyokamilika wala familia iliyoboreka bila kuwa na mazoea au utamaduni wa kusameheana.
Msamaha ni nguzo au msingi wa utulivu wa akili na uhai wa roho zetu. Kama hakuna msamaha, familia inakuwa uwanja wa migogoro na mlipuko wa ugomvi.
Panapokosekana msamaha, familia inaugua. Msamaha unahuisha moyo, kwa kusafisha fikra na kuufanya moyo kuwa huru. Binadamu asiyesamehe hana amani moyoni na wala hana urafiki au muunganiko na Mungu.
Maumivu ni sumu inayodhuru na kuua. Hebu kiponye kidonda hicho cha moyo endapo kuna dalili za kujiumiza.
Mtu asiyesamehe anajisababishia mwenyewe ugonjwa wa mwili, kiakili na kiroho. Ndiyo maana familia inapaswa kuwa sehemu ya uhai na si kifo; eneo la uponyaji na siyo mahali pa magonjwa; jukwaa la msamaha na si la uovu.
Msamaha huleta furaha pale uchungu ulipoleta maumivu; huleta uponyaji hata pale ambapo maumivu yalisababisha magonjwa.
Asante, unisamehe saba mara sabini hata nikikukosea tena na tena, si ndio maandiko yanavosema Hajar? Sasa watoka nduki waenda wapi weyee? Rudi na mimi nimekusamehe
Asanteee, basi uje tugonganishe glass za vinywaji kwa ajili ya kusameheana, sasa sijui tutapata kinywaji gani gani huku kambini Kankuma maana togwa haipatikani, au ‘vyombo’ unagonga Hajar?
Wasukuma wa kule Chato wanasema Maaaayooo au Wasambaa wanasema Tate Naneee, Wachaga wanasema 'Yeleeeuuuwiii, Kiiiruuu…nimelikoroga hapo Hajar, dah! Kweli ilibidi nielewe Hajar na vyombo ni mbalimbali kama polisi na bangi, hapa Kankuma juice na maji vipo lakini mamii, usijali karibu